Wed, 17 Jul, 2019

Nepali

आमाको सपना

12-Nov-2018

By शिला पराजुली

हे आमा गर मलाई क्षमा

अपुरै छन् तिम्रा ती इच्छा

सकिन गर्न तिम्रो जन्मभूमिको रक्षा

नसकेँ पुरा गर्न तिमीलाई दिएको प्रतिज्ञा

हाँसो ल्याउछु भनेकी थिए सबैको ओठमा

सकिन हत्या र हिंसाको यो युद्ध रोक्न

रित्तो हाँसो हाँसी रमाउन खोज्छु म

विशाल भिडमा हराइ रहेकी छु म

आफ्नै शून्यतामा रमाइ रहेकी छु म

शून्यताको विन्दु भइ टोलाएकी छु म

तिम्री छोरी यो भिडमा लाटिएकी छ

विशाल नगरीमा भित्रभित्रै आत्तिएकी छ

तिम्री हँसिली प्यारी छोरी

शहरी गोरीसँग साटिएकी छ

सुन्दैछु तिमी चिन्तित छौ रे

बन्दुक र बारुद होमिएको नियाली रहेकी छ्यौ रे

हाँसो र खुसीको खोजीमा भौतारिएकी छ्यौ रे

निस्पट्ट अँध्यारो पछिको प्रकाश खोजिरहेकी छ्यौ रे

एउटै छ मेरो चहाना र संकल्प

अब आमाको इच्छा पुरा गर्ने धोको छ

जन्मभूमिको ऋण ब्याज सहित तिर्नु छ

हातमा हात राखी हातेमालो गर्नु छ

आरुको ओठमा मुस्कान छरी

दिएका तिम्रा ती प्रतिज्ञा पुरा गर्नु छ

0 Comments